يقول المواطن فيصل حامد في رسالة وصلت الى “المراقب العراقي”: اليوم كنت مفتح بالستوديو مال غزوان ابني وطبعا هسه موسم يعني اكو زبائن لاحظت طفل يدخل للمحل ويخرج أكثر من مرة حتى خف الزبائن سلم على بشكل مهذب رحبت به كنت اعتقد يريد صورة قال لا عمو عندي استنساخ دزته المعلمة على التلكرام وتريد نستنسخه اخرج موبايل مكسر يا دوب ينشاف وشوفني صفحتين لعلوم الرابع الابتدائي بخط المعلمة الرديء كتلة كتاب ماكو طبعا اشر ايجاباً براسة وفتح يديه وقال عندي بس هذا الربع دينار اكتفي الى هنا لان دموعي لامست الارض.. انتم كملوا هذه الحكاية واشتموا كل من له سلطة بوزارة التربية من الوزير اللي ما عرف يطرق باب مطبعة الروضة الحسينية في كربلاء ولا مطبعة شبكة الاعلام ويتسول بشرف كتبا لأبنائه بالوقت المناسب وحتى اصغر مسؤول عن مأساة أولادنا ومأساة الاهالي اللي تحملوا مجبورين دفع الاموال الباهظة من اجل شراء الكتب لأبنائهم الطلبة.
