المواطن سعد خالد يقول :احنه اهالي منطقة السبع ابكار ضمن قضاء الاعظمية صار 5 ايام ضبط المي مكطوع عن المنطقة قطرة ماعدنه وتانكياتنه نشفت تماماً، المبردات طافية بهذا الحر و كهرباء ماكو والعالم صاحت الغوث اطفالنه ماتت من الحر لا سبح ولا غسل ملابس ولا تنظيف ولا مبردة ولا اي شي، شلل تام بمنطقتنا لأن بدون مي عدا الي گدروا يچطلون من غير منطقة .
واضاف:سبب هذه المشكلة هو مشروع المجاري الثقيلة ومياه الامطار الي استلمته شركة كيسته الكردية و باعت المشروع لمقاول ثانوي والمقاول ماعنده مهندسين ولا عنده مخطط المسارات السابقة للمنطقة ،عنده كم حفارة و كم عامل و فورمن طلعهم و بلشوا يكسرون بالشوارع بدون اي تخطيط .
وتابع:العمال مجرد يدخلون اي شارع بالمنطقة يكسرون و يحفرون و يشمرون البواري و المنهولات بنص الشارع على الارصفة و يعوفون الشغل ويروحون على غير شارع و هكذا لحد ما هجموها للمنطقة هجم مبقى شارع بيها صاحي هاي صارلنه اكثر من ٨ اشهر على هالوضع ولحد اليوم.
