محمد هادي مواطن من منطقة الحرية في كرخ بغداد عنده اعتراض على عملية ايكال الاعمال في المشاريع الجديدة الى البلديات في بغداد يكول اني اتعجب على امين بغداد شلون راح ينطي اعمال ومشاريع لبلديات عاجزة عن القيام بأعمال بسيطة فمثلا مناشدة بالحرية صارلها سنة مهندسين عجزوا عليه شلون تريد يتعمر بلد خلي ينجزون المناشدات وبعدين يعمرون .
واضاف: منطقتنا الحرية التابعة لبلدية الشعلة عبارة عن فوضى فكل شارع ينكشط سنين وينعاف بسبب ضعف الخدمات وعن اي مشاريع تحجي عنها امانة بغداد خلي يصير عدنه مهندسين يحللون الفلوس الياخذونها من مناصبهم وبعدين انطيهم مشاريع.
