من الشغلات اللي تثير العجب، هو وجود مدارس بدون مدرسين لمادة معينة من المواد الدراسية بالمدارس الحكومية الموجودة داخل بغداد، مع انه اكو هواي من المحاضرين يكدرون يسدون اي نقص بالكوادر التعليمية، نتيجة احالة عدد كبير من المدرسين والمعلمين الى التقاعد، واحنا كاعد نشوف المحاضرين باقين يتظاهرون ومحد يحل مشكلتهم وتثبيتهم على الملاك الدائم.
انشد انتباهي بهذا الموضوع انه اكو طالبة اعدادية من بغداد نشرت على الفيسبوك انها بحاجة لمدرس او مدرسة لغة عربية لاستشارته في قواعد اللغة العربية، لأن مدرستها لا يوجد فيها من يدرّس هذه المادة، والطالبة لا تستطع أخذ دروس تقوية بسبب حالتها المادية الضعيفة.
