وصلت الى “المراقب العراقي” رسالة من المواطن مصطفى الجشعمي يقول فيها: “صار موقف كدامي بساحة النسور، بصف سيارتي توقفت بنت تسوق النترا واجاها شخص من هذولة النماذج اللي يمسحون الجام، ومباشرة رش الجامة مال سيارتها والسيارة كلش نظيفة”.
“اني شفت البنت كلش ضاجت ونزلت الجامة وكلتله منو كلك ترش الجامة، جان هذا الشخص يرفع الدبة مالته ويرش بوجه البنت وينهزم”.
السؤال: الحكومة متى تتخذ اجراءً بحق هذولة العبثيين ولحد يكلي شعليك بيهم جاي يسترزقون، تخيل هذا الموقف يصير ويه اختك أو زوجتك انت بس طخلك واحد منهم وشوف العشاير اللي تطلع وراه.
