بعد اكثر من سنة من مناشدتنا للمعنيين في امانة بغداد وايضا من خلالكم ومن خلال صفحتكم الموقرة وبعد ان جزعنا من المناشدات وبلا جدوى وبعد ماحدث اليوم جئت لكم لتنقلوا شكوانا على وجه السرعة للمعنيين في امانة بغداد ودائرة عقارات امانة بغداد ووالدفاع المدني ….. استاذنا العزيز عمارة الرصافي اكثر من سنتين هناك بعض الافراد وبالتعاون مع موظفي عقارات امانة بغداد وبلدية الرصافي لا يمر يوم الا وان قاموا بتفليش دنكة او دعامة من دعامات عمارة الرصافي لاغراض دنيئة ولتقسيم المحلات الكبيرة بصورة غير قانونية الى محلات زغيرة جدا …. استاذنا العزيز اليوم او غدا سيتم تفليش احدى الدعامات الركنية اللي مرتكزة عليها عمارة الرصافي …. استاذنا العمل ديتم ليلا وبالنهار يغلقون الابواب وتفليش الدعامات على قدم وساق وموظفي عقارات الامانة وموظفي امانة بغداد يعلمون بذلك مقابل اموال سحت ….،
استاذ صدكني اذا تم تدمير وتفليش هاي الدعامة الركنية فالبناية معرضة لاسامح الله للخطر لان سنتين مضت ودعامات البناية يتم تفليشها بلا رادع ….. استاذ اليوم تم تقشير الدعامة الكبيرة الركنية واليوم او غدا سيبدأون بقطع الشبكة الحديدية المحاطة بالدعامة الركنية وقصها …… استاذارجوك الان من خلالكم توصل شكوانا للجهات المعنية ترى البناية راح توكع وخل يطلعون عليها ويشوفون بالضبط بالمحل الركن الواقع امام باب المتحف البغدادي خلف دنكة البناية او مايعرف سابقا باحذية (صلاح) خل يطلعون ويشوفون الكارثة باجر عكبة توكع او تنهار البناية امانة بغداد مسؤولة …… رجاء استاذ اعمل اتصالاتك لان سنوات نشتكي وبلا رادع لان هولاء عدهم ظهر بالامانة ورشاوي ووووووو بس حياة الناس اهم وشكرا..
* راجي ريكان الاحمد
