حسن محمود من أهالي العطيفية يكول لحد الان منطقتنا حايرين همة على بلدية الكاظمية لو على بلدية الكرخ ودايخين بهذا السؤال لانهم يشوفون الانقاض والنفايات موجودة بالمنطقة ومحد يشيلها.
وأضاف، ان الامانة يجب ان تنطينا الجواب فالنفايات تنشمر جوه جسر الصرافية وهذا الطريق مال طلاب مدارس وينبعث منه ريحة فليش هيج باقين دون اجراء من الامانة وطبعًا بلدية الكرخ راح اتكول على بلدية الكاظمية وأبو الكاظمية يكول على الكرخ وهاي حاليًا العطيفية بنص بغداد وهي من المناطق الراقية صايرة عبالك منطقة من مناطق اطراف بغداد وتم تسييج الجسر باللون الاخضر حتى يخفي الانقاض والأوساخ.
