اكو مناطق يتصور الناس انه هي “فايخة” وما تحتاج الى رعاية من قبل امانة بغداد أو من قبل المحافظة ومن هاي المناطق منطقة الكرادة فمثلا واحد من سكان محلة 913 زقاق 4و5و6و7 يكول احنا نعاني من اهمال المنطقة من قبل امانة بغداد وعدم دخول اي خدمة لها منذ 1990 ولحد هذا اليوم اي تقريبا 33 سنة وهي مدة طويل فياريت تكون هناك التفاتة من قبل العاملين في الامانة أو توصيل صوت لأصحاب القرار حتى يكون هناك استجابة من قبلهم .
بالمناسبة المنطقة اسمها منطقة ام الورد في الكرادة قرب فلكة جسر الطابقين فياريت تكون هاي المنطقة اسم على مسمى ويتم تقديم الخدمات لأهالي المنطقة اللي همة بحاجة ماسة لهاي الخدمات المفتقديها من زمان.
