بعض وكيلات مفردات الحصة التموينية في المناطق الشعبية مشكلتهن كبيرة جافات بالتعامل وية الناس التتعامل وياهم واكو منهن ما ينطن الحصة كاملة ويريدن من المواطن يجيهن بأوقات هنة يختارهن وبعضهن يختلقن المشاكل اذا مواطن أتأخر عن موعد الاستلام.
وللاسف لاتوجد رقابة على البعض منهن من قبل وزارة التجارة واللي هية المسؤولة الأولى عنهن لكن ما نشوف من الوزارة أي تحرك حتى تكدر تسيطر على محاولات الغش والسرقة عد بعضهن ..
بالمناسبة اكو بيهن مايخافن من اي شخص ويتعاركن وية الناس وخصوصا النساء الماعدهن ازواج الهم بالمنطقة فيحاولن ضم جزء من الحصة عنهن وغيرها من التصرفات المو زينة٠. صديقي سيد عقيل يكول : وكيلة الحصة اذا شديتلها نجمتين على جتفها حتى الدكان مالتها تسويه غرفة تعذيب تشبه غرف التعذيب مال امن صدام ..! شدعوة عمي خلن رجليچن عالكاع .
