من عجايب الزمن الحالي ان المتقاعد المسكين كان يستلم راتبه(سنطاوي) وهسه قبل مايستلمه الخبر طاش وصاير ترند ومشهور شهيرة ما اعرف شنهو الاصرار البايخ والفارغ من محتواه لدائرة التقاعد ووزارة المالية اعلانهم توزيع رواتب موظفي الدولة او المتقاعدين بكل وسائل الاعلام المرئية والمسموعة والمقروءة ” وبهاي الطريقة الشهِيرة ” !؟ وعبالك مسوين منيّة علينا ؟ والنوب فوك الحمل تعلاوة تجيك رسالة من الشركة اللي مستِغلة توزيع الراتب وتگلك : تم سحب هالگد فلوس راتبك…! وهاي السالفة هم المتقاعدين يضوجون منها لسبب بسيط وهو ان الراتب اصبح بالجيب وماكو داعي لاعلام المتقاعد باستلام راتبه.
بصراحة اني اشوف ان هذا الموضوع لأن بيه نوع من انواع إذلال الموظف والمتقاعد كأنهم يقولون لهم نحن من يطعمكم وهذا اكبر عيب على جميع من له علاقة بهذا الموضوع .
