سمعني ابني وآني اتكلم عن بعض المصطلحات ومن هاي المصطلحات ركز هو على البيروقراطية فطلب مني تعريف لهذا المصطلح فكلتله :(هو الروتين والتمسك بالإجراءات المكتبية بمايترتب عليها تعطيل مصالح الناس ).رد علية ابني وكال : بابا يعني انت هم تعطل مصالح الناس كتله لا بابا آني اسهل الامور على الناس وبالمقابل اشوف أكثر الدوائر الحكومية اليوم تعتمد على الروتين الممل حتى يحصلون على الرشوة وبعضهم يسعى للابتزاز باستغلال المواطن وتعطيل معاملته حتى يضطر المواطن لدفع الرشوة .
ابني كلي بابا لازم كل واحد بيروقراطي ينحكم بالاعدام على هاي السالفة فضحكت وكتله لتصير دكتاتور باحكامك عالناس فضاج وكال هم رجعلي على المصطلحات البدينه منها الحديث وتركني ومشه زعلان وخلاني وحدي .
