حريق ثاني وبخلال اتلث تيام بمطار بغداد الدولي كلش ..! أدري هو مطار لو عمارة مال عطور ومواد سريعة الاشتعال على گولة اخوتنا بالدفاع المدني .. يمكن مطار بغداد تطلع بنايته كلها چنل بنل والبادي اظلم… !؟
العجيب ان الحكومة طوال السنوات ما كانت مهتمة لهذا المطار كون الفساد مسيطر على كل مرافق المطار من مدة طويلة. يكولون الحكومة راح تجيب شركة مختصة بكشف الفساد بالدوائر، وهاي الشركة اجنبية حيييل، وراح تأخذ دور ومسؤولية ديوان الرقابة المالية اللي چان إله صنه ورنه، وتصير هي اللي ادوزن حركة الفلوس وين تروح وين تنحط بيا جيب.
