المواطن حاتم مزهر السراي من محافظة ميسان راجع قبل أيام مستشفى حكومي بمحافظته، يكول : بغيرتكم بشرفكم ، محافظة اشگدها شكبرها مثل العمارة بلاتين مال كسور ما بيها!؟ والله زحمة يعني هذا المگرود اللي يدخل المستشفى بهاي المحافظة ينتظر لمن يوصل البلاتين من البصرة والله هاي السالفة كلش واكفة و عيب واحد يتكلم بيها ،انتم يا مستشفى الزهراوي الجراحي في ميسان لو تعزلون اهواي أفضل .
وأضاف : إن رئيس الوزراء محمد شياع السوداني كال قبل فترة الله لايوفقني اذا اقبل بهاي الفوضى واني هسة اكله تعال شوف واقع مستشفيات العمارة الا تطلع بالشارع وانت تردد جمل اكبر من ذيج الجملة من كد الاهمال في بعض المستشفيات الموجودة داخل المحافظة .
