المواطن علي فيصل من اهالي حي الانتصار شمال بغداد والقريبة من قضاء الحسينية يكول :بالنسبة لمنطقة الانتصار مقابل مستشفى حماد شهاب مظلومة بكلشي ولاواحد سأل عليها من المسؤولين فحتى المدارس مو مثل مدارس بقية المناطق فهاي المنطقة بيها مدرسة وحدة ودوام ثلاثي وبكل صف 60 طالب وطالبة وهاي الحالة صارلها سنوات طويلة ومحد اجة وشاف احتياجات المنطقة من ناحية المدارس مقابل زيادة كبيرة في اعداد الطلاب والتلاميذ بالمنطقة .
الغريب ان هاي المنطقة بيها بناية مدرسة مبني منها بس هيكل وصارلها اكثر من 12 سنة مهملة ولاواحد كال خلي اروح اشوفها واكمل المدرسة .
