* كتب د.علي عنبر السعدي: الأنوناكي أبناء الطين العمالقة، يجاهدون من سنة ٢١٢٠ق.م الى ٢٠١٧م في الأسطورة السومرية، إن الأرض العراقية لا تقبل بتدنيس الغزاة لطُهرها، لذا ينهض من طين الحقول وأعماق الأنهار،عمالقة جبارون يفتكون بالغزاة، إنهم الأنوناكي.
الطريف، إن تسمية (الشروكَية) تعني حرفياً أبناء الطين، نسبة الى شروكَين الملك الأكدي الذي وحدّ بلاد الرافدين ومنع عنها الغزاة والطامعين.
وأصل التسمية تعود الى زراعة الأرز في الجنوب والفرات الأوسط، فهذه الزراعة تتطلب تقسيم الأرض الى مربعات تغمر بالماء، ثم يجري تسويتها بالأقدام، ما يجعل القائمين بذلك العمل، ونتيجة للطين العالق بأرجلهم وسيقانهم، كأنهم خرجوا من الطين فعلاً .
والملفت إن هؤلاء الأنوناكي الشروكَية أبناء الطين؛ هم من تصدوا لكل الغزاة ودحروهم، عبر تاريخ العراق الموغل في الأزمنة، بدءاً من أول ثورة تحرير في التاريخ بقيادة أتوحيكال عام 2120 ق/م، وليس انتهاءاً بطرد داعش؛ من رجال الأنوناكي في 2017 ميلادية.
* يقول صديق لي: حاورت بيبيتي ذات ليلة فقلت لها: حبوبة شنو رايچ بثورة العشرين..بمناسبة مرور 97 سنة عله هاي الثورة..گالت حبوبة ثورتيش؟! شو اللي افتو بيها اهل النجف، والمات بيها أهل الناصرية والسماوة، واللي استفادوا منها الما طاگينها ولا مدعبلينها..(السـ..)؛ گتلها حبوبة عود ليش جاي أهيس صاير عندچ نفس طائفي؟! گالت بلا بوش البلبشك إسمع ولك؛ ربيعتنا بالعراق مثل الماي بالارض..گتلها شلون يعني? گالت الماي اشكد نسبته بهاي المهچومة! گتلها70%، گالت چا ليش مايسمونها الكرة المائية؛ عود ليش يسمونها الكرة الارضية ؟!
* قال أحدهم: ادري يا اخوان انت تتظاهر تريد كهرباء؛ جيد، من الطبيعي جدا يكون التظاهر امام مجلس المحافظة او مكتب المحافظ؛ چا من تروح تحرك مدرسة شنو معناهة؟! جاوبه آخر: شوف تصريحات اياد علاوي عالشرقية حول مظاهرات النجف؛ وانته تعرف ليش يحرگون المدرسة الدينية..جاوبه ثاني: معناها تظاهرة مدفوعة الثمن من البعثية؛ وتنفيذ الهمج الرعاع..رد عليهم ثالث: معناهة هاي لعبة من ملاعيب الأصدقاء الحمران، وصادف أن عدنة جماعة تريد تفتح ثغرة؛ وتاخذ ثار اخوتهم الدواعش والبعثية، لذا على الحكومة تدبر الامر والا فهي منهم! واحد رابع كال: الكهرباء ملف سياسي دولي حاله حال ملف تسليح الجيش..!
كلام قبل السلام: الذاكرة مدينة لا تنام..!
سلام..
قاسم العجرش
