اكرم السياب؛ مثقف عراقي من النجف، محرر صحفي ممتاز، كاتب عمود محترف، يكتب تحليلات سياسية لها نكهتها المميزة، مخرج سينمائي وكاتب سيناريو، ولوع بشعبه الى درجة التماهي..أتابعه منذ ثلاث سنوات بشغف، جمعتنا معه عدة لقاءات عمل، من بينها ورش في التدريب على فن كتابة المقال، كان المشاركون فيها بكفة، وهو بكفة أخرى يرجح فيها عليهم جميعا!
أجتزىء لكم بعض ولع أكرم بشعبه، وستكتشفون أنه يشبه ولعكم، وسيقول أحدكم؛ أن أكرم يقول الذي في نفسي بالضبط!
أكرم السياب: إنتصرت ارادة الفساد، وخسئ الوطن والمواطنون..اني ماشايف حرامي تكله انت حرامي؛ يكلك انت متصلي!!
أكرم السياب: تكليف الشهرستاني برئاسة لجنة السياسات الزراعية..راح نشتاق للزلاطة!
أكرم السياب: مفتي حزب الدعوة الاسلامية..”المعمم” عبد الحليم الزهيري يرد اسمه في التقاعد، برتبة فريق ركن متقاعد! اني ما اكول شي، بس الله يرحمك بلال الحبشي، مات وماعنده مطي ملك باسمه!
أكرم السياب: دبي تكشف عن اطول برج بالعالم بكلفة مليار دولار! اذا ننفض جيوب ربعنا شكم برج يطلع ؟!
أكرم السياب: بدأ ابو احمد الجايجي؛ وهو يصب الشاي بالحديث عن الديمقراطية، والتظاهرات الاخيرة، ويتساءل لماذا لا يكون هنالك حوار؟ وطاولة مستديرة؟ وقبل أن اجيب عن السؤال واذا بــ ” كفخة معدلة” اجتي للصانع مالته، حتى ساد الهدوء في الشارع من عصف “العجل”! أبو احمد الذي نادى بالحوار مع السياسيين، لم يتحاور مع صانعه الذي لم يغسل “الاستكاين” زين! فمن اين يبدأ الحوار يا سادة؟!
أكرم السياب: المرجعية انتقدت لعبة الكلاش..الناس أعترضت وأستهزأت! المرجعية كالت ب2014 غيّروا الوجوه بالانتخابات..الناس راحت وأنتخبت نفس الوجوه! ويجيك نفس المعارض للمرجعية ويكول: تقليد المرجع واجب، أدري هو الدين والتقليد بكيفك؟! يعني “تستنكي” الفتاوى مثل “الطماطة”؟! إن كنت فعلاً ملتزماً بقرارات المرجعية دعني أراها في سلوكياتك يا أخي! لتعترض من تجي على غير هواك..
أكرم السياب: يكولون سد الموصل اذا إنهار، راح تغرك “البصرة والموصل والمدن المحيطة بنهر دجلة”زين اذا هلكد عدنا ماي؛ ليش مزارعنا ناشفه؟ وشط الكوفة صاير للجريذية؟ّ”
أكرم السياب: #سد_الموصل، هاي وحدة من ارحامنه مكرودة، صايرة محللة سياسية تكول: عمة سالفة سد الموصل حرب نفسية (حقيقة اني اتعحبت)، كلتلهه: عمة ترى أكثر من مليون عراقي يروح بيها كالت: آني المضوجني يا عمة، أن الماي راح يروح للخليج!..صدك تحجين عمة ?! هذا المؤذيج!
كلام قبل السلام: قد ضيعت بغداد سابق عزِّها..وغدت تجيش بصدرها الحسرات..كم قد سقاها السيل من أنهارها
ضرا وهن منافع وحياة..واليوم قلت بجانبيها ارخوا..دفق السيول فماجت الازمات #معروف_الرصافي
سلام…
قاسم العجرش
qasim_200@yahoo.com
