المواطن حسن ماضي يكول عجيب امر بلدية الغدير فطوال الفترة المضت جانت غير مهتمة بمنطقة البلديات ومانعرف السبب وشنو المانع الخلاها متقوم بالاعمال بهاي المنطقة التكبر يوم بعد يوم.
واضاف عندي مناشدة لبلدية الغدير تخص منطقة البلديات شارع المصرف محلة ٧٣٨ زقاق ٨٧ مجاور سوق الميت وامام محطة المجاري ومجاور المتنزه فهاي المنطقة تعاني من تراكم النفايات وبشكل يومي ولهذا اطلب الاهتمام من قبل كادر الامانة المسؤولين عن تنظيف الشارع ان يقومون بحل هذا الموضوع باقصى سرعة علما انه اكو ناس يقومون يوميا برمي النفايات امام البيوت وتم التبليغ عنهم ولاكثر من مرة ولايوجد حل وبدأت النفايات تزداد يوميا ولايوجد أي مجيب من البلدية وهذا الموضوع يحتاج إلى سرعة تنفيذ .
