“طسات” الشوارع المحيطة بمستشفى الإمام علي “عليه السلام”

الشوارع المحيطة بمستشفى الامام علي “عليه السلام” اذا مريت بيها لازم تأخذ احتياطاتك انه راح تصاب بسقف السيارة لان الطسات تارسة هاي الشوارع بسبب الحفريات الموجودة بهاي الشوارع. أمس مريت واني صاعد بسيارة الكيا بواحد من الشوارع وبسبب هاي الطسات وما اشوف الا راسي مضروب بسقف الكيا واصبت بالدوار لمدة دقائق. المطلوب من أمانة بغداد معالجة الحفريات التي تم طمرها في الشارع الموجود خلف المستشفى الموجودة قرب منتدى شباب القدس، حتى نكدر نمشي بهذا الشارع الصار مزدحم بالسيارات والطسات.