شنو هالفوضى يا لجنة القبول المركزي..
يا وزارة التعليم العالي..
يا الجامعة التكنولوجية في بغداد..
2474، الفين واربعمائة واربع وسبعين طالبا تم قبولهم في الجامعة. اهلهم فرحوا،جيرانهم فرحوا،العجايز هلهلن،حتى عزموا اصدقائهم على لفات فلافل. وتالي متالي،بجرة قلم،تلغى كافة القبولات. انتم عدكم عقل؟ زين هذا العبقري القبل الطلبة شنو موقفه؟ وهذا اللي لغى القبولات منين؟ او وين چان يالله هسه طلع عبقريته؟ هسه الطلاب لازم يقدمون من جديد. وينتظرون،ويقلقون.. هسه اليخطأ بواحد بعشرة بمية. بس مو الفين وخمسمية! تحچون صدگ ،چذب. خليتوا ألطلبة واولياء الامور راس يطگ براس. تلاحگ النا يالسوداني،ولو انت بعدك ماشايف دربك.
