المواطن سعد جاسم يكول : اريد اعرف عود ليش حاويات النفايات يخلونها عمال التنظيف التابعين لدائرة بلدية مدينة الصدر على الشارع و مو على الجزرات الوسطية والأرصفة الموجودة على امتداد شوارع المدينة.
المواطن سعد يتابع كلامه ويكول : انتو تعرفون هاي الحاويات من تنترس شيصير بالشارع لوماتعرفون وخصوصا بالأيام اللي يصير بيها رياح أو عواصف فالنفايات تبدي تتطاير على الشارع ويضيع جهد عامل النظافة لأنه يعيد تنظيف المنطقة مرة أخرى زائدن انتشار الروايح بالمنطقة وهذا شي مامرغوب بيه من جميع المواطنين .
