محمد خليل مواطن من اهالي الشعلة يطالب بتبليط نفق صلاح الدين على سريع الشعلة باتجاة مطار بغداد ويكول : يا امانة بغداد ماطول عدكم هيج حملة كبرى للتبليط وتشمل ٤ مليون ليش ماتبلطون نفق صلاح الدين على سريع الشعلة باتجاة مطار بغداد، معقولة ماتفوتون مناك وتشوفون الضيم والازدحام من وره هذا النفق المتهالك المابيه اي تبليط بقة كونه من الانفاق الما شملها الاعمار من زمان .
محمد يكول ايضا : من الضروري انقاذ اهالي هاي المناطق القريبة من النفق كونهم تضرروا من النفق والطسات والحفر البيه وصارت سياراتهم مكسرة بسبب هاي الطسات ولهذا همة يطالبون بسرعة انجاز النفق الصار قضية مستعصية ولكن بالحقيقة هية من الممكن حلها بسهولة من خلال الحملة اللي تقوم بيها امانة بغداد هسة.
