الرصيف والمقرنص محجوزان من قبل أصحاب المحال بمحلة ٨٠٩

اليوم اريد اوجه مناشدة الى بلدية الرشيد/ قسم حي العامل خلي يجون ويشوفون بعيونهم حال زقاق ٧١ محلة ٨٠٩ وهنا بالذات دخولية الشارع مسدودة وبدون رصيف للمشاة حتى يعبرون عليه للتخلص من هاي الحالة.

وهنا اريد ان اسأل سؤالا وهو شلون يرحون اطفالنا الى المدارس والطريق مسدود، اكيد راح يضطرون للنزول الى الشارع، ويتعرضون لحوادث الدهس، لان الرصيف والمقرنص محجوز من قبل المحال.

وين القانون وين حقوق المنطقة أما الحاوية “اجلكم الله” كان مكانها جانب بس أهل المحال خلوها بنص دخولية الشارع حتى متضايقهم، يعني المواطن اللي ساكن بالفرع يتضايق عادي، المهم أهل المحال يشتغلون على حساب أهل المنطقة.