رجل يبلغ من العمر تقريبا 60 سنة، يبدو أنه يمر بأزمة صرع وسقط بالشارع في ساحة الطيران في باب الشرجي ، وسقوط الرأس على حافة الرصيف مما جعله ينزف في الشارع وفقد الوعي لكن النفس موجود يصعد وينزل بي،،، لأكثر من 45 دقيقة الرجل مدد بالشارع ودورية الجيش مطوقة المكان لا شايلينه ولا يخلون الناس تشيله الى ان فارق الحياة على ما يبدوا لان انقطعت انفاسه !!! شنو السبب؟؟ الكل يخاف من الملاحقات العشائرية والاجراءات القانونية.. يعني لو ناقليه للمستشفى كان ممكن أكو فرصة وكبيرة كلش تنقذه ويعيش..
الملاحقات العشائرية التعسفية وين راح توصلنا والخلل بالإجراءات القانونية وين يودينا دمر شكو انسانية،شوكت تصحى هاي العشائر؟ شوكت القائمين على الامر يعدلون هيج قوانين مجحفة انسانياً؟؟.
