تعودنا في كل مرة وكل ما يجي رئيس حكومة جديد اول ما يسويه هو اجتماع كلش سريع ومهم وي امانة العاصمة! ومثل ما تعرفون وتشوفون لا هي أمانة ولا هي إلها علاقة بالعاصمة!! وفوكاها اكو مؤسسة ثانية اسمها محافظة بغداد هم دائما كل ما يجي رئيس حكومة جديد هم يجتمع بيها…! وتاليها لا بغداد مدينة زينة ولا نظيفة، وباقية مدينة مرعبلة كلشي بيها فوضى!؟ ولا اكو احساس عند هاي المؤسستين بمسؤوليها شلع قلع بما هو مهم إلهاي المدينة المنكوبة …!
الاجتماعات والتوصيات ما تجيب نتيجة لان كل المحافظين والأمين عدهم عذر ثابت وما يتغير وهو قلة التخصيصات أو عدم وجودها فيطلبون بتخصيصات أخرى وتعود الكرة والخدمات تبقى صفر والمعاناة نفسها وتزداد مشاكل التحتية المتهالكة بالتقادم وجيب ليل وأخذ عتابة.
