المراقب العراقي/ بغداد…
كنت ماراً في “جزيرة بغداد السياحية” التي وضع مشروعها عام 1980 وافتتحت رسمياً عام 1983 وتم تشييدها من شركة فنلندية بقيمة 100 مليون دولار، وتعتبر أحد أهم المراكز الترفيهية ببغداد، وصوروا فيها سابقاً مسلسلات محفورة بذاكرة العوائل كمعلم سياحي.
لاحظت أن المكان يُعاني شيخوخة ببعض التفاصيل، واضح غياب الإدامة، لاحظت انه مُستثمر أمام الزائرين، بحيث تدفع 5 آلاف دخولية، مع 3 گراج، وبالداخل ألعاب ومطاعم وكازينوهات، والناس مالك محط رجل.. ومع هذا التواليت تكرمون من تفوت بيها تتأكد تماماً من إيقاع المجتمع العراقي وعلاقته المُعقدة والغريبة مع النظافة، وهذا المكان تحديداً!!.
يا أخي والله قهر ،مكان ترفيهي راقي ومُحترم ويجيبلك فلوس حلوة، ليش ما تخليلك بي عامل أجنبي مثلما موجود بالمطاعم، ليش الجزيرة بيها تصحرات ببعض الأماكن، ليش اليشتغلون كئيبين وعبالك جايبيهم سُخرة، ليش البرج بي رطوبة ومحد مرممها؟… وليشات هواي على كثير من المباني ومرافق الحياة العراقية.
