المواطن حسن حامد يقول :صار مايقارب ٣ اسابيع واكثر يومية رقم يتصل عليه تعال استلم بطاقة الناخب مالتك واني بدوري اكله والله اني مفارغ هسا ..موجودين باجر ؟ يرد علية اي استاذ نبقه لل٢ ونص وهي تعتبر بطاقة رسمية حالها حال الجواز والبطاقة الوطنية. واجونه للدائرة بصمونه واحنه كالملوك مسيطرين مرتاحين …. ويتصلون علينه بس عوزهم يجيبوها للبيت ….. واكو ديوصلوهن للبيوت .سؤال جدا مهم ؟؟؟المؤسسة الي كدرت ان توفر بطاقة الناخب الى المواطنين مجاناً بلا حجز مسبق وبلا جهد وتوصلها الى بيت المواطن….
ليش متكلف هذه المؤسسة بتوفير البطاقة الوطنية والجواز والجنسية والبطاقة التموينية وإجازة السوق و سنوية السيارة وهوية التقاعد والشهداء…. الى المواطن بنفس السهولة والاحترام والحب ؟ اذا الدولة ومؤسساتها قادرين على ان يسهلون حياة المواطن ليش لعد كل هذا العناء اللي نشوفه بدوائر الدولة ؟
ليش تدفع رسوم عند ترويج معاملة الجواز والجنسية؟ بينما بطاقة الناخب مجانية وبدون روتين ممل وبدون سرة ولا ادفع وهذا مريض وذاك شايب وهاي عجوز ومره حامل وطفل يبجي الخ .؟؟؟؟. اذا امكن جواب؟؟
