سيارة واكفه بأمان الله تجي ستوتة بيها ثلاثة اشخاص تدعم السيارة وهي واگفه، لان سيارة ضايقتهم وينجرحون، و يتحملهم صاحب السيارة الواگفة؟!!!.
ابو دراجة جاي رونك سايد يدعم سيارة، ابو السيارة، يمد ركبته حاله حال اي مذنب ويدفع فصل ويخسر الدراجة ويخسر فوك الـ٣ ملايين ويجوز أكثر!؟.
المشكلة هالباطل اكو ناس وعشاير صاحبة حظ وبخت توكفله وهذا المسكين ابو السيارة يحتسب امره لرب العالمين ويتعرض للسجن والخسارة، الي لا الله يرضى بيها ولا الخيرين!!.
المشكلة عشيرة المصاب “الي ما بي شي” تسوي المصاب المخطئ ابو الدراجة يصرف على عائلتين وجسمه كله مفلش، ورى الفصل تشوفه يركض كدامك!!!؟…هاي الها حل!؟.
