كلما أمر بالاعظمية أضحك على ما تنشره بلدية الاعظمية على صفحتها بالفيسبوك من انجازات تتباهى بيها والسبب هو كثرة التجاوزات على الارصفة بمنطقة الكمب الصار مزدحم بشكل غريب وغير معقول وغير مقبول .
أكو عدد من المواطنين يكولون عن هذا الموضوع انهم ناشدوا بلدية الاعظمية علمود مخالفات المحلات اللي بالكمب اللي مستغلين الرصيف بكل عين صلفة اذا 2 يريدون يمشون مايكدرون واذا وكفت سيارتك كدام الرصيف تبتلي على عمرك يتعارك وياك بكل عين صلفة وهاي الحالة موجودة من بداية مدخل راغبة خاتون لنهايته والمواطنين اليعانون من هاي الحالة يريدون جواب شافي من بلدية الاعظمية عن مناشداتهم الكثيرة .
